بوليفارد الرياض سيتي

الله يعز حكومتنا تبارك الرحمن المكان جدا جدا جميل ورائع المدح فيه قليل سواء في التصميم او التنظيم او النظافه او المواقف او المنظمين او الخدمات كلهم فوق التقيم حتى تقيمي لهم ٥ نجوم قليل انا اول مره ازور البوليفارد ستي بصراحة مررررره جميل اكبر من اللي تخيلته مهتمين بأدق التفاصيل حتى زاوية التصوير محطينها تروح لمصر تحس انكم في مصر والصين كانكم ماشين في الصين نفسها واليونان و مباني ايطاليا كانكم في ايطاليا وفرنسا وشرق اسيا كل الدول يجيكم احساس انكم في هذا الدوله بالفعل الله يجزاء حكومتنا كل خير ما قصروا

تجربه جميله المكان حلو ممتع اول مره ازوره فيه مطاعم وكوفيهات منوعه مابين المتعارف عليها والمعقولة في الاسعار ومابين الغاليه الفخمه.. النافوره المائيه الراقصه راااائعه وتاخذك لجو أخر ...فيه اماكن للعب الاطفال جديدة مثل دزني وننتندو وفيه متحف رونالدو...

ماشاء الله تبارك الله المكان جميل جدا وجذاب وأخاذ تأسرك الشاشات العملاقة عند الدخول وكأنك في قلب نيويورك المكان فيه الكثير من الفعاليات المناسبة لجميع الأعمار والفئات والمطاعم متوفرة بمختلف أنواعها لتناسب جميع الأذواق والميزانيات والبحيرة والشاشة العملاقة وماتعرضه من عروض ثلاثية الأبعاد رائعة مع انعكاسها على البحيرة…. المكان رائع فاق التوقعات ويحتاج لأكثر من يوم الكتشافه ودخول فعالياته… والأفضل من كل هذا أن الدخول مجاني..

بوليفارد سيتي💎 وقته المناسب للزيارة، زرناه قبل شهر تقريباً والجو كان خييياليي💫 الدخول مجاني ولا يتطلب حجز، زحمة جداً التجديد صار احلى من قبل، كثير كافيهات ومطاعم تغيرت وفيه الافضل وفيه اشياء حلوه قفلت، جهة النافورة خياليه ورايقة ! المجسمات الجديدة معطيه ڤايب حلوو، نكررها اكيد بوقت ثاني

بولفارد سيتي مكان 😍 فيه كل شي تحبونه ألعاب واقعية وافتراضية تجنن وتخليك تعيش المغامرة محلات تسوق من كل الدنيا ولكل الأذواق فعاليات ثقافية وفنية وموسيقية ترفع المعنويات بولفارد سيتي ما ينفوت عليكم اذا تبون تستمتعون وتتسلىون مع العايلة والاصدقاء هذا هو المكان المناسب.😎 استمعت بزياره المكان ولاكن بعض المحلات أسعارها مرتفعه

المكان بصفة عامة جميل متنوع جدا وفي خيارات كثير رحناله من العصر والجو كان خيال ما في برد يعني توقيتنا يجنن الاكل لذيذ يستحق تكرار الزيارة في ترحيب وحسن استقبال من جميع المنظمين فالمكان والكل كان مبسوط وسعيد

المكان جداً جميل وأكثر من رائع الصراحة استمتعنا والجو خرافي ماشاءالله لايتوفكم في اقرب فرصة لازم تروحو حبيت المكان نشكر القائمين والمنظمين على هذه الجهود اللي قدموها هاذا المكان الفخم المرتب الاناقة والنظافة شكر خاص خاص جداً لعاملات النظافة النسائية في دورات المياه، ماشاءالله تبارك الرحمن بشاشة وجة ورحابة صدر لاقوة إلا بالله وينظفوا بعد كل شخص يدخل. والدخول مجاناً بس الدفع للمشتريات والمطاعم والكوفيهات.

المكان جميييل جدا. مفتوح و الجو حاليا معتدل مره رائع. الدخول مجانا. الديكور و الشاشات و الإضاءات خرافية. الحلو انه فيه خيارات مره كثير للكافيهات و المطاعم من الفاست فود للمطاعم المرتبة. جربت فعالية انفزبيليا ماعجبتني أبدا. بالنسبة للأطفال فيه فعاليات كثير تناسبهم.

من اجمل الاماكن لقضاء عطلة نهاية الاسبوع او قضاء وقت برفقة العائلة و الأصدقاء. نعم هناك العديد من خيارات الترفية في مكان واحد . وايظا الكثير من خيارات المطاعم تناسب كافة الاذواق و الميزانيات. طبعا هناك بعض المبالغات في اسعار بعض المطاعم والمقاهي وفرض رسوم دخول. ولكن بشكل عام تجربة فريدة بالرياض.

مكان جميل جدا يستحق الزيارة دائماً لا تمل منه ولا تكل فقط بعد المسافة تجعلك تذهب له. بعض الفعاليات شراء التذاكر عن طريق تطبيق webook.

من احلى الاماكن اللي زرتها .. كوفيهات ومطاعم ومكان جميل ورائع .. والنافوره روعه استمتعنا بالاجواء اخذنا قهوة فلات وايت وسبانش لاته من نورث .. قهوته حلوه وجلساته رايقه

المكان جميل وتجربة مميزة ولفت نظري التصاميم الفريدة لمواقع الترفية وكانت العروض الترفيهية متنوعة اخترت مع عائلتي فعاليات ديزني ذا كاسل الممتعة مع شخصيات ديزني الجذابة

بوليفارد سيتي مافي رسوم على الدخول مجاني مكان عصري ومميز فيه فعاليات كثيرة ومقاهي ومطاعم كثيرة لا يلزم الحجز مكان جميل جدا يمكن تقضي فيه يوم مع العائلة والفعاليات متوفره وعديدة انصح وبشدة الزياره تفتح من اربع العصر نظام مبهر وجمال فائق

مكان رائع للتنزه والتجوال الدخول من غير رسوم يوجد فيه اغلب المطاعم والكافيهات والماركات العالميه والمحليه وينقسم الى مناطق كثيره منها منطقه الاستديو فيها العاب منوعه ومتاحف ومقاهي وفيه مسرح غنائي طبعا لازم حجز مسبقا والعدد من الفعاليات مكان رائع وكبير ومنوع للكبار والصغار ولا ننسى المنظمين الله يعطيهم العافيه متعاونين ومرحبين بالجميع

لكل زوار المملكة السعودية بالرياض لا يطوفكم الوناسة والإبداع في هذا المكان روعة فعلا يستاهل الزيارة لك وعائلتك للإستمتاع في هذا المكان اسمه بوليفارد الرياض جاردن متنوع من الألعاب إلى المطاعم الكافيهات وغيرها من المجسمات الإبداع فيها ما شفت مثلها قبل زوروا البوليفارد يستحق الزيارة وانصح بزيارة قبل الليل وشراء التذاكر أون لاين .

المكان جميييييل والاجمل الدخول مجاني ووقت اغلاقه متاخر للناس الليي تحب الروقان والهدوء اخر الوقت .. فيه كافيهات ومطاعم منوعه فيه عالم باربي وفيه ديزني يعني يعتبر من اروووع الاماكن بالرياض 👍🏻

مكان جميل جدا جدا جدا ..في فعاليات كثير للكبار والصغار ..فيه مطاعم ومقاهي فيها مسيقى ..التدخين مسموح في الساحات ..الدخول مجاني ..لكن الفعاليات لكل فعالية مبلغ .

المكان ممتع مررره يجمع المتعه والتسوق واشهر المطاعم والمقاهي زرت المكان بأيام أسبوع فما احتجت احجز فيه ألعاب للأطفال وللكبار 🎡 فيه موسيقى وأغاني 🎼 عند النافورة ردهة لأغلب مطاعم الوجبات السريعة التجربة رائعة وراح تتكرر ان شاءالله

المكان جدا جدا روووووعه شي مبهر ما شاء الله صح متعب بالمشي ولاكن مستعمتعيييين بالنسبه للزحمه في زحمه مرررره ولكن مو باين لان المكان واسع ومتشعب انصح اي احد يزور الرياض يجي للبوليفارد سيتي

المكان جميل وممتع. يعطيكزشعور كانك مسافر. مطاعم متنوعه وكثيره وكوفيهات برضو حلو. جربت من محل كوكيز مره لذيذ وانصح فيه. بنزل اسم المحل. جربت كوكيز كلاسيك. واخذت شاي اخضر

المكان رائع ويفتح النفس وعرض النوافير كل نصف ساعة وكل عرض يختلف عن الثاني وفيه مطاعم تطل على النوافير الجلسه فيها تفتح النفس ويفضل انك تروح من العصر عشان الزحمه تكون خفيفه والدخول مجاناً .